உப்பு

மூத்தோர் சொல் பொய்க்காது
உப்புதின்னா தண்ணி குடிக்கணும்
உத்திரபிரதேசத்து மக்கள்.

மார்ச் 8

நானும் அவனும்
ஒரு வயிற்றில்
பிறந்த பிள்ளைகள்
 என்பதைத் தவிர
வேறெதுவும்
ஒன்றாய் இருந்ததில்லை
எனக்கும் அவனுக்கும்.

உண்ணும் உணவு
உடுத்தும் உடை
படிக்கும் இடம்
படிக்கும் மொழி
ஆடும் விளையாட்டு
பார்க்கும் இடம்
என எல்லாமும்
வேறு வேறாய்...

கேட்கும்போதெல்லாம்
சொல்கிறார்கள்
அவன் ஆண்பிள்ளை
நீ பொண்ணு.

சொம்மா ஒரு
பேச்சுக்கு
சொல்லி  வைக்கிறார்கள்
மகளீர் தின
வாழ்த்துகள் என்று.

 என்றைக்கு
எல்லாம்
எல்லாருக்கும்
ஒன்றென ஆகுமோ
அன்றுதான்
எனக்கு
மகளீர் தினம்...

அதுவரை
எல்லா நாள் போல
அதுவும்
ஒருநாளே...

ஏமாற்றம்

சொல்லிக் கொள்கிறேன்
ஏமாறும் போதெல்லாம்
அடுத்து சரியாகும்.

வாக்கு

ஊரே நீர் ஊற்ற
கொஞ்சம் பாலூற்றினர்
இரோமிற்கான வாக்கு.

மகளீர் தினம்

நானும் அவனும்
ஒரு வயிற்றில்
பிறந்த பிள்ளைகள்
என்பதைத் தவிர
வேறெதுவும்
ஒன்றாய் இருந்ததில்லை
எனக்கும் அவனுக்கும்

உண்ணும் உணவு
உடுத்தும் உடை
படிக்கும் இடம்
படிக்கும் மொழி
ஆடும் விளையாட்டு
பார்த்த இடம்
என எல்லாமும்
வேறுவேறாய்...

கேட்கும் போதெல்லாம்
சொல்கிறார்கள்
அவன் ஆண்பிள்ளை
நீ பொண்ணு.

சும்மா
பேச்சுக்கு சொல்லி வைக்கிறார்கள்
மகளீர் தின வாழ்த்துகள் என்று.

என்றைக்கு
எல்லாம்
எல்லாருக்கும்
ஒன்றென ஆகுமோ
அன்றுதான்
எனக்கு
மகளீர் தினம்.

வேண்டுதல்

இயக்க உதைக்கப்படும் வண்டி
அண்ணனுக்கு துணையாய்
உருக்கமாய் வேண்டுகிறாள் தங்கை.

பாரம்

எழுதிக் கொண்டிருந்தேன்
ஒவ்வொன்றாய்
சொல்லச்சொல்ல
கொஞ்ச நேரத்திலேயே
கனத்தது கவிதை
அதற்கு மேல்
தாங்காது என்றானது
அத்தனை துயரங்கள்...
அவள் சொல்
எப்படித்தான்
தாங்கிக் கிடக்கிறதோ?

ஓடம்

காத்துக்கிடக்கும் கரையோரம்
ஒவ்வொரு நாளும்
அக்கறையுடன் அக்கரைசேர்க்க ஓடம்.

வாசல்-2

ஊதி அணைக்க முடியவில்லை
பற்றி எரிகிறது
ஹைட்ரோ கார்பனில் நெடுவாசல். 

வாசல்

வாசல்தோறும் நடக்கிறது
விருந்து உபசரிப்பல்ல
தமிழகத்தில் போராட்டம்.