ஆனந்தம்

o   உடுத்திக் கலையும் துகில்
உண்டு மகிழும் உணவு
சூடிகளிக்கும் மலர்
காண விரும்பும் மேனி
எல்லாம் எனக்கு ஆனந்தமாக
நீ
அம்பாலிகையா
அடக் கள்ளியா
நான்
ஆச்சாரியனா
அடியவனா
அன்பே அன்பே சொல்

உமக்கு என்னை
பழி வாங்குவதாய்
நினைப்பதில்

எமக்கோ
நீ பழிவாங்க
நான் இருக்கிறேன்
என்பதில்...

ஏமாற்றம்தான்
என்றாலும்
தினம் தினம்
எதிர்பார்த்துக்கிடக்கிறேன்

என் ஏமாற்றம்
உனக்கு
அளவிலா ஆனந்தம்
தரும் என்பதால்...

பனி

குரல் நடுங்க பனியில்
பாடி வருகிறார்கள்
கிருஸ்மஸ் தாத்தாகள்

நிறம்

டிசம்பர் பனி இரவு
விழித்து காத்திருக்கிறாள்
நீக்ரோ பாட்டி
இயேசுவின் நிறம் அறிய

ஆடுகள்

நல் மேய்ப்பனை அல்ல
கசாப்பு கடைகாரனையே
நம்பும் மந்தை ஆடுகள்

போட்டி

தெரிந்தே நடக்கிறது
ஒருவருக்கொருவர் போட்டி
ஒன்றுமில்லை யாருக்கும்
விட்டுப்போகையில்

சேவல்

விரைந்தோடி வருகிறது
செம்பரிதி காண
உரத்து குரலெழுப்பும்
விடியலில் சேவல்

பனி

சூடான வார்த்தைகள் உமிழ்ந்த வீதி
குளிரப் பொழிகிறது
நிலவும் பனியும்

குரல் கேட்க
முகம் மறைக்கிறது
மூடு பனி

ஒரு கை

துளசி மாடம்
செழித்து வளர்கிறது
ஏடிஸ் கொசு


வேல் கொண்டு முருகன்
சூரனை மாய்க்க
வீழும் பொம்மை தலை


சமாதானம் செய்கிறான்
கணவன் மனைவி சண்டை
அறியான் அக்கரை பச்சை


விண் முட்டும்கட்-அவுட் 
சொல்லிக் கொண்டார் மனதில்
பாவம் செத்துட்டார் போல


தொடரும் அவலம்
உயர்த்திகுரலெழுப்ப
தேடுகிறான் ஒரு கை

கொக்கு

கைகளை வாசலாக்கி
இட்டுக் காட்டுகிறாள்
மருதாணிக் கோலம்


வீசும் காற்று
கை விரித்து நடனம்
வயலில் காவல் பொம்மை


காட்டிக் கொடுத்தது
பரந்த உலகிற்கு
இருளை ஒளி

பச்சிளம் கொடி
மெல்ல அசைத்து
இரசிக்கும் தென்றல்


உதிரும் பூ
தேன் குடிக்கும் தரையில்
இறக்கை இல்லா எறும்பு


உழவன் முன் செல்ல
பின்னால் வரும்
வயலில் கொக்கு

காட்சி

கோவில் குளம்
விழுந்து கிடக்கிறது
உள்ளே கோபுரம்