அம்மாவின் கேள்வி

உச்சி முகர்ந்து முத்தமி ட
உண்மையில்  குழந்தைக்கா
எதிர் நிற்கும்  அம்மாவின் கேள்வி 

நி லா -நீ

நி லா நி லா ஓ டி வா
அ ழை த் த து நி லவை யா
உ ன் னை எ ன அ றி வா யா நீ  

நீ-நான்

உடுத்திக் கலையும் துகில்
உண்டு மகிழும் உணவு
சூடிகளிக்கும் மலர்
காண விரும்பும் மேனி
எல்லாம் எனக்கு ஆனந்தமாக
நீ
அம்பாலிகையா
அடக் கள்ளியா
நான்
ஆச்சாரியனா
அடியவனா
அன்பே அன்பே சொல்

எழுதிய கடிதம்

பொய்யுரை பழகினேன்
எழுதியக் கடிதத்தில்
அனைவரும் நலமென்று

உயிர்வதை

உயிர் வதை வேண்டாம்
உருகி உரைத்தார் முனிவர்
மான் தோலில் அமர்ந்து

சுகம்

உமக்கு என்னை
பழி வாங்குவதாய்
நினைப்பதில்

எமக்கோ
நீ பழிவாங்க
நான் இருக்கிறேன்
என்பதில்...

ஏமாற்றம்

ஏமாற்றம்தான்
என்றாலும்
தினம் தினம்
எதிர்பார்த்துக்கிடக்கிறேன்

என் ஏமாற்றம்
உனக்கு
அளவிலா ஆனந்தம்
தரும் என்பதால்...

கிருமிகள்

கழிவறைக்குள்
கைகளுக்குள்
வீட்டின் தரையில்
பற்களில்
பளபளக்கும் ஆடையில்
எல்லா இடத்திலும்
எல்லாவற்றிலும்
நிறைந்திருக்கும் கிருமிகள்
அடிக்க தெளிக்க பூசிக்கொள்ள
அந்நிய மருந்து
கிருமிகள் எல்லாம்....?

குழந்தை முகம்

மொட்டை மாடி நிலா
முகம் மறைத்தது மேகத்துள்
குழந்தை முகம் கண்டு

குழந்தை-ஹைக்கூ

மழை வெறுத்துப்போனது
ரசிக்க யாரும் மில்லை
கணினியில் குழந்தைகள்

தூங்கும் குழந்தை -ஹைக்கூ

நீண்டு செல்லும் பேச்சு
ஆடவந்ததை மறந்து
அமர்ந்தே தூங்கும் குழந்தைகள்