இளையவன் படைப்புலகம்
லேபிள்கள்
இயற்கை
(1)
கட்டுரை
(3)
காதல்
(31)
சமூகம்
(82)
சென்ரியூ
(262)
பழமொன்ரியு
(4)
பெண்ணியம்
(14)
மொழிபெயர்ப்பு
(1)
லிமரைக்கூ
(4)
வாழ்க்கை
(29)
ஹைக்கூ
(262)
செவ்வாய், 24 நவம்பர், 2015
மழை-19
கண்ணுக்கு தெரியாமல் நடந்த ஆக்கரமிப்பு
உலகிற்கே காட்டிக்கொடுத்தது
மழை வெள்ளம்.
குடிசை-3
கொடுக்கிற தெய்வம்
கூரையை பிய்த்துக்கொண்டும் கொடுக்கும்-மழையில்
கூரையை பியத்துக்கொண்டும் கெடுக்கும்.
குடிசை-2
பாரபட்சம் காட்டவில்லை
மாட மாளிகை மண்குடிசை
உட்புகுந்த வெள்ளம்.
குடிசை-1
தரைமட்டமானது குடிசை
பல அடுக்கு மாடியாய் வளர்கிறது
ஓடியாடிய நினைவுகள்.
விலை
செயற்குழு பொதுக்குழு
கூடிகூடிப்பேசும் கட்சிகள்
வாக்காளரின் விலை
திங்கள், 23 நவம்பர், 2015
கொள்ளை
கொடி கட்டி பறக்கிறது
மாட்டு கொம்புகளில்
மணல் கொள்ளை.
மழை-18
ஏரி குளங்கள் நிரம்புகிறது
மழை நீரோடு
குடியிருப்புகளும் சேர்ந்து.
ஞாயிறு, 22 நவம்பர், 2015
மழை-17
எம் மழையும்
ஈடாகவில்லை உன்
முத்த மழைக்கு முன்னால்.
திங்கள், 16 நவம்பர், 2015
மழை-16
களவு போன இடத்தை
தேடி அலைகிறது
மழை வெள்ளம்.
மழை-15
குளித்து சிலர்த்தது மரம்
கண்ட மயக்கத்தில்
கொட்டித் தீர்க்கிறது வானம்
மழை-14
தெரியவில்லை ஒன்றும்
மழையின் குளிர்ச்சி
மனதில் அவள் நினைவு.
மழை-13
எப்போதும் முந்திக்கொள்ளும்
நினைவு படுத்துவதில்
நம் காதலை மழை
ஞாயிறு, 15 நவம்பர், 2015
மழை-12
முயன்று தோற்கும் பெருமழை
அணைக்க முடியாமல்
ஏழையின் பசி தீ.
மழை-11
தொகுதி பக்கம் வருகை
அமைச்சர் பெருமக்கள்
உபயம் கனமழை.
மழை-10
விரைந்து பெயர் சூட்டுங்கள்
வேறு கடல் நகர்ந்துவிடும்
மோடி புயலென்று.
மழை-9
மண் மகள் நாணம்
எல்லாரும் பார்த்திருக்க
முத்தமிடும் வானம்.
மழை-8
கூத்தாடும் குழந்தை
கைதட்டும் வானம்
கொட்டும் மழை.
மழை-7
எப்பவும் இப்படிதான் வானம்
அதிக பாசம் அதீத வெறுப்பு
கொட்டித்தீர்க்கும் காய்ந்து தீய்க்கும்.
மழை-6
மின்கம்பி குருவி
பசிமறந்து ரசிக்குமோ
பெய்யும் மழை.
மழை-5
மழையில் நனையும் குழந்தை
அதட்டலாய் மிரட்டும் அப்பா
தான் குழந்தையாய் இல்லாத கோபத்தில்.
மழை-4
சபிக்கும் அம்மா
சந்தோஷிக்கும் குழந்தை
ஒழுகும் குடிசை.
மழை-3
மழையே கொஞ்சம் விலகுக
பாவம் பசியோடு
காத்திருக்கும் பறவைகள்.
மழை-2
பஞ்ச கல்யாணிக்கோ கல்யாண ராமனுக்கோ
கொடுங்கள் விவகாரத்து
விடும் அடை மழை.
மழை-1
அடை மழை
தெருவெங்கும் வெள்ளம்
மனதில் அடிக்கும் அலை.
திங்கள், 9 நவம்பர், 2015
காலம்
கொள்ளையர்கள் வருகை
கதவு திறந்து வைத்திருக்கிறார்கள்
தேர்தல் காலம்.
தேவை
சட்டசபை கூட்ட மட்டுமல்ல
சாம்பார் கூட்டவும்
தேவை 110.
புதிய இடுகைகள்
பழைய இடுகைகள்
முகப்பு
இதற்கு குழுசேர்:
இடுகைகள் (Atom)